ગૂગલ, ફેસબુક, વૉટ્સએપ.. આવા બધા જ સોશિયલ પ્લેટફોર્મ માણસોએ જ માણસોને એક્ઠા કરવા માટે અથવા એકબીજા સાથે જોડાવા કે જોડાયેલા રહેવા માટે બનાવ્યા.. પણ પરિણામ આવ્યું - માણસ પોતે જ એકલો પડી ગયો
- માણસોને હવે એક બીજાને મળવા જવું નથી ગમતું..
- ફોન કોલ કરીને પણ વાત કરવી નથી ગમતી - ચેટ કરો બસ
- ફેમિલી મેમ્બર પણ એકબીજાનાં ઘરે જવાનું ભૂલ્યા - વીડિયો ચેટ કરી લો
- કોઈ માણસ સ્માર્ટફોન, ફેસબુક, વોટ્સએપ કે ઇન્સ્ટાગ્રામ પર ન હોય તો સાલું આશ્ચર્ય લાગે - તે આ દુનિયામાં જીવે છે કે મરી ગયો? એવો પ્રશ્ન પણ ઊભો થઈ જાય..
અરે દોસ્ત, હદ તો ત્યારે થઈ, જ્યારે ફેસબુક પ્લેટફોર્મ - જે લોકોને જોડવા માટે બનાવાયું, એ જ મશિનને એવો અહેસાસ થયો કે માણસો મારા કારણે એકબીજા સાથે મળવાનું ભૂલી ગયા છે, લાવ હું બધાને નોટિફિકેશન મોકલું અને એ રીતે માણસો એકબીજાને મળવા માટે કહે, 'આપણે આજે કે કાલે, ફલાણા સમયે એક-બીજાને કોફી માટે કે ફલાણા કારણ માટે ફલાણી જગ્યાએ મળીએ' બોલો.. મશિને માણસને આવું કહેવું પડ્યું, એ ટેક્નોલોજી પણ માણસની જ બનાવટ.. આટલી સુવિધાઓ, છતાં એક માણસ બીજા માણસને મળી નથી શકતો.. હા, આવી સ્થિતિ પહેલા તો ક્યારેય નહોતી, આપણાં વડવાઓએ તો જે તે સમયે જ કહી દીધેલું.. આવનારા સમયમાં જેટલી સગવડ હશે, એટલી જ અગવડ !
લિ. અંકિત એમ. પંડ્યા
સમુદ્ર મંથન - રત્ન 72
No comments:
Post a Comment